BALIK-TANAW SA BALANG ARAW
- Vince del Rama
- Aug 18, 2020
- 1 min read
August 18, 2020 at 5:00 PM
ang dating marilag at mapusyaw na araw natin ay biglang binalot ng malamig na kulimlim; wala man lang paalam o kahit pasabi, bumuhos ang ulan sabay sa luhang hinawi.
biglang lumisan ka, naghanap ng silong naiwan ako sa ulan at mag-isang sumuong; ang nginig at lamig ay pinilit na labanan umasa sa payong na pangakong iniwan.
nilupig ang bawat butil hanggang huling patak nakauwi nalang, ala-ala mo parin ang hawak. ngunit sa lungkot lumiwanag ang mga tinatanaw nang magtakipsilim na ay wala paring ikaw.
lumubog na ang araw sa pag-ibig mong sambit pilitin mang ngumiti ay gumuguhit ang sakit; sa gabing madilim ang puso ay pilit ikukubli, at baka bukas pagpintig, kapiling na muli.
photo credit: Greg Sabejon
Comments